قصور: (دنیا نیوز) دیوسیال کے جنگل میں آگ بھڑک اٹھی، آگ نے 50 ایکڑ جنگل کو اپنی لپیٹ میں لے لیا۔
ریسکیو ذرائع کے مطابق 1122 کی 4 فائر بریگیڈ ٹیمیں آگ پر قابو پانے میں مصروف ہیں، جنگل کے راستے تنگ ہونے سے ریسکیو آپریشن میں دشواری پیش آ رہی ہے، تیز ہواؤں کے باعث آگ پر کنٹرول کرنے میں مشکلات کا سامنا ہے۔
محکمہ جنگلات کے مطابق جنگل 1173 ایکڑ پر پھیلا ہوا ہے، تحصیل انتظامیہ کا کہنا ہے کہ آگ لگنے کی وجہ معلوم نہیں ہو سکی تحقیقات کریں گے۔
