لاہور: (دنیا نیوز) مسلم لیگ ن کے مرکزی جنرل سیکرٹری احسن اقبال نے کہا ہے کہ نظام قانون میں اصلاحات بہت ضروری ہیں، ہم چاہتے ہیں ملک سے کرپشن کا خاتمہ ہو۔
پریس کانفرنس کرتے ہوئے ن لیگی رہنما احسن اقبال نے کہا کہ پاکستان میں انتخابی مہم کا آغاز ہو چکا ہے، ن لیگ پارلیمنٹری بورڈ کے اجلاس بھی ہو رہے ہیں، ہرشخص پورٹل پر سفارشات پیش کر سکتا ہے، دعوت دے رہے ہیں مل کر تمام شعبوں میں تجاویز کو ترتیب دیں، تجاویز دیں کہ پاکستان کی خارجہ پالیسی میں کیسے بہتری لائی جا سکتی ہے۔
— PMLN (@pmln_org) December 27, 2023
انہوں نے کہا کہ سستا اور فوری انصاف فراہم کرنا منشور کا حصہ ہے، آج پاکستان جس منزل پہ کھڑا ہے اور جہاں ہم جانا چاہتے ہیں اس کیلئے ہمیں ایک ٹیم کی ضرورت ہے، جتنی شراکت کے ساتھ ہم پاکستان کے مسائل کو حل کرنے کی پالیسیاں بنائیں گے وہ پالیسیاں کامیاب ہوں گی، اسی حکمت عملی کے تحت ہم نے ن لیگ کے منشور کو حتمی شکل دینے کیلئے پورٹل لانچ کیا ہے۔
— PMLN (@pmln_org) December 27, 2023
احسن اقبال نے مزید کہا کہ چائنہ پاکستان اکنامک کوریڈور ایک بہت اہم منصوبہ ہے جو پاکستان کی قسمت بدل سکتا ہے، گزشتہ حکومت نے اسے تباہ کیا لیکن ہم چاہتے ہیں کہ اسے دوبارہ مؤثر طور پر بحال کرکے 2030ء تک پاکستان کو تجارت، کامرس، ٹریڈ اور انڈسٹری کا مرکز بنایا جائے۔
