اسلام آباد : (دنیانیوز) ڈسٹرکٹ اینڈ سیشن کورٹس اسلام آباد نےمالی فراڈ کے کیس میں سابق وفاقی وزیر فواد چودھری کی ضمانت منظور کرلی۔
سول وجوڈیشل مجسٹریٹ جج ڈاکٹر سہیل تھہیم نے فواد چودھری کی درخواست ضمانت پر محفوظ فیصلہ سنا دیا۔
عدالت نے فواد چودھری کی ضمانت ایک لاکھ روپے مچلکوں کے عوض منظور کی، سابق وفاقی وزیر پر شہری سے 50 لاکھ روپے لے کر نوکری نہ دینے کا الزام ہے۔
واضح رہے کہ فوادچودھری کے خلاف تھانہ آبپارہ میں مقدمہ درج ہے۔
