لاہور: (دنیا نیوز) سپریم کورٹ نے مبارک ثانی کیس میں نظرثانی درخواستوں پر سماعت کا تحریری حکم نامہ جاری کر دیا۔
سپریم کورٹ نے 10 دینی اداروں کو نوٹس جاری کر دیئے، اسلامی نظریاتی کونسل، جامعہ دارالعلوم کراچی کو نوٹس جاری کیا گیا، جامعہ عمادیہ فیصل آباد، جامعہ نعیمیہ کراچی کو بھی نوٹس جاری کیا گیا، جامعہ محمدیہ غوثیہ بھیرہ، جامعہ سلفیہ فیصل آباد سے بھی معاونت طلب کی گئی۔
جامعہ ملتظر لاہور، جامعہ عروہ الوسقی لاہور کو بھی نوٹس بھیجا گیا، قرآن اکیڈمی لاہور اور المورد لاہور سے بھی معاونت طلب کی گئی۔
حکم نامہ میں کہا گیا عدالت کو بتایا گیا کہ فریق بننے کی اور درخواستیں بھی آئی ہیں، دیگر درخواستیں بھی آئندہ سماعت پر اسی کیس کیساتھ مقرر کی جائیں۔
