کراچی: (رطابہ عروس) شہر قائد کراچی میں آئندہ 24 گھنٹوں کے دوران مطلع جزوی ابر آلود رہنے کا امکان ہے۔
محکمہ موسمیات کے مطابق شہر میں کم سے کم درجہ حرارت 17.3 جبکہ زیادہ سے زیادہ درجہ حرارت 29 سے 30 ڈگری سینٹی گریڈ تک جا سکتا ہے۔
موسم کا احوال بتانے والوں نے کہا ہے کہ ہوا میں نمی کا تناسب 44 فیصد ریکارڈ کیا گیا ہے جبکہ شمال مشرقی سمت سے ہواؤں کی رفتار 10 کلو میٹر فی گھنٹہ ریکارڈ کی جا رہی ہے۔
دوسری جانب شہر کی فضا مضر صحت ہے اور دنیا کے آلودہ ترین شہروں میں کراچی آج 13 ویں نمبر پر موجود ہے، طبی ماہرین نے اپیل کی ہے کہ شہری غیر ضروری طور پر گھر سے باہر نہ نکلیں، ماسک کے استعمال کو یقینی بنائیں۔
