کراچی :(دنیا نیوز)چیئرمین پیپلزپارٹی بلاول بھٹو زرداری نے خیبر پختونخوا میں قانون نافذ کرنے والوں افسروں ڈی ایس پی گل محمد اور دیگر جوانوں کی شہادت پر افسوس کا اظہار کیا ہے۔
چیئرمین پیپلزپارٹی بلاول بھٹو زرداری کا کہنا تھا کہ دہشت گردوں کا مکمل خاتمہ اور ان کی نرسریوں کو تباہ کرنا ہمارا قومی فرض ہے۔
انہوں نے کہا کہ قوم کو ڈی ایس پی گل محمد اور دیگر شہداء کی بہادری پر فخر ہے، دہشت گردوں کے خاتمے کیلئے اپنی جانیں قربان کرنے والے ہمارے قومی ہیرو ہیں۔
بلاول بھٹو زرداری کا مزید کہنا تھا کہ وفاقی اور صوبائی حکومتوں کو چاہیے کہ مل کر وطن دشمنوں سے دھرتی کو پاک کریں۔
