بنوں: (دنیانیوز) بنوں کینٹ میں دہشت گردوں کی جانب سے حملے کی بزدلانہ کوشش ناکام بنادی گئی۔
ذرائع کے مطابق صبح چار بج کر چالیس منٹ پر دہشت گردوں نے بنوں کینٹ کی باہر والی دیوار اور سپلائی ڈپو کے درمیان روڈ پر دھماکہ کر کے کینٹ میں داخلے کی کوشش کی۔
ذرائع کے مطابق سکیورٹی فورسز نے بر وقت کارروائی کر کے دہشت گردوں کی کوشش ناکام بنا دی، مؤثر کارروائی سے دہشت گردوں کو ایک کونے میں محصور کر دیا گیا ہے۔
ذرائع کے مطابق سکیورٹی فورسز نے کلیئرنس آپریشن شروع کر دیا ہے۔
