ننکانہ صاحب: (دنیا پور) ننکانہ صاحب میں رکشہ کی ٹکر سے موٹرسائیکل سوار شہری جاں بحق ہوگیا۔
تیز رفتاری کے باعث حادثہ مانگٹانوالہ روڈ نزد چوکھیانوالہ سٹاپ کے قریب پیش آیا، جاں بحق ہونے والے موٹرسائیکل سوار کی شناخت 35 سالہ تنویر کے نام سے ہوئی ہے، حادثے کی اطلاع پر پولیس اور امدادی ٹیمیں موقع پہنچ گئیں۔
ریسکیو ٹیم نے جاں بحق ہونے والے تنویر کی لاش کو ضروری کارروائی کے لئے ہسپتال منتقل کر دیا جبکہ پولیس نے بھی حادثے کی تحقیقات شروع کردی۔
