کراچی: (دنیا نیوز) کراچی کی 10میں سے 9 بلدیاتی نشستوں کے غیر سرکاری اور غیر حتمی نتائج کے مطابق پیپلزپارٹی نے 8نشستوں پر میدان مار لیا۔
پیپلزپارٹی 3چیئرمین، ایک وائس چیئرمین اور چار وارڈ ممبرز کی نشستیں جیت گئی، جماعت اسلامی کے اُمیدوار 2نشستوں پر کامیاب، سکھر یو سی 29 میں چیئرمین اور وائس چیئرمین کی نشستیں پیپلزپارٹی کے نام رہیں، گھوٹکی اور ٹنڈو محمد خان میں بھی پیپلزپارٹی کی پوزیشن مستحکم رہی۔
شکارپور میں یونین کونسل محمودہ باغ کی چیئرمین کی نشست پر جے یو آئی کا امیدوار کامیاب ہوگیا، حیدرآباد میں بھی پیپلزپارٹی دو چیئرمین اور ایک وائس چیئرمین کی نشست حاصل کرنے میں کامیاب ہوگئی۔
پی پی امیدواروں کی کامیابی پر جیالوں کا جشن، مختلف پولنگ سٹیشنز کے باہر کارکنوں نے بھنگڑے ڈالے اور آتش بازی کا بھی مظاہرہ کیا گیا۔
