کراچی :(دنیا نیوز) شہر قائد کے علاقے شاہ فیصل کالونی میں پانچ سالہ بچہ کھلے مین ہول میں گر کر لاپتہ ہوگیا۔
ذرائع کے مطابق افسوسناک واقعہ شاہ فیصل کالونی نمبر دو میں شادی ہال کے قریب پیش آیا، جس میں گرنے والے بچے کی شناخت پانچ سالہ حذیفہ کے نام سے ہوئی ہے۔
واقعہ کے بعد ایدھی رضاکاروں نے بچے کی تلاش کیلیے ریسکیو آپریشن کیا اور دو گھنٹے کی جدوجہد کے بچے کی لاش باغ کورنگی ندی سےمل گئی۔
افسوسناک سانحے پر والدین اور اہل خانہ شدید غم کی حالت میں مبتلا ہیں جبکہ علاقہ مکینوں سراپا احتجاج ہیں اور اُن کا کہنا ہے کہ متعدد بار شکایات کے باوجود بھی گٹر پر ڈھکنا نہیں لگایا گیا۔
