اسلام آباد: (دنیا نیوز) ملک کے بیشتر علاقوں میں کل موسم سرد اور خشک جبکہ بالائی علاقوں میں شدید سرد اور مطلع ابر آلود رہنے کا امکان ہے۔
محکمہ موسمیات کے مطابق شمال مغربی بلوچستان، بالائی خیبر پختونخوا، گلگت بلتستان، کشمیر اور ملحقہ پہاڑی علاقوں میں تیز ہوائیں، جھکڑچلنے کے ساتھ بارش، برفباری کی توقع ہے۔
پنجاب کے بیشتر اضلاع، بالائی سندھ اور خیبر پختونخوا کے میدانی علاقوں میں صبح، رات کے اوقات میں درمیانی سے شدید دُھند چھائے رہنے کی توقع ہے۔
رپورٹ کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد اورمطلع جزوی ابر آلود رہا۔
پنجاب کے بیشتر اضلاع اور بالائی سندھ میں درمیانی سے شدید دُھند چھائی رہی، تاہم بلوچستان میں چند مقامات پر گرج چمک کے ساتھ بارش اور برفباری ہوئی۔
محکمہ موسمیات کے مطابق سب سے زیادہ بارش دالبندین میں 24 ملی میٹر، پشین 17، کوئٹہ سٹی 13، سمنگلی 10، نوکنڈی 07، قلات 04 اور پنجگور میں 01 ملی میٹر ریکارڈ ہوئی، اس دوران زیارت میں 2اور کوئٹہ میں 1 انچ برفباری ریکارڈ کی گئی۔
آج کم سے کم درجہ حرارت لہہ میں منفی 9، گوپس منفی 6، سکردو، مالم جبہ منفی 4، استور، ہنزہ اور پاراچنار میں منفی 3 ڈگری سینٹی گریڈ ریکارڈ کیا گیا۔
