لاہور: (دنیا نیوز) چین کے دارالحکومت بیجنگ کی طرز پر لاہور کی سڑکوں پر سائیکل اور موٹر سائیکل سواروں کے لئے الگ راستہ مختص کرنے کے پائلٹ منصوبے کا آغاز کر دیا گیا۔
پہلے مرحلے میں فیروز پور روڈ کینال روڈ سے لاہور پل تک بائیکر لین شروع کر دی گئی، 10 کلومیٹر بائیکرز لین سبز اور دیگر رنگوں سے تیار کی گئی، سائیکل اور موٹر سائیکل سواروں کی حادثات سے حفاظت ہو گی۔
مرحلہ وار لاہور کی تمام سڑکوں پر بائیکر لینز بنائی جائیں گی، بائیکرز لین کے جدید عالمی تصور سے حادثات میں کمی اور ٹریفک میں روانی آئے گی۔
وزیر اعلیٰ مریم نواز نے اپیل کی ہے کہ شہری اپنے تعاون اور نظم و ضبط سے آزمائشی منصوبہ کامیاب بنائیں تاکہ قیمتی انسانی جانوں کا تحفظ اور حادثات کی روک تھام ممکن ہو۔
