کراچی: (دنیا نیوز) کراچی میں گھریلو سلنڈر پھٹنے سے کمسن بچی جاں بحق ہوگئی۔
واقعہ محمود آباد میں ایک گھر میں پیش آیا، جس میں خاتون اور چار سالہ بچے سمیت 3 افراد زخمی بھی ہوئے، اطلاع پر پولیس کی بھاری نفری اور امدادی ٹیمیں موقع پر پہنچ گئیں، زخمیوں کو فوری طور پر ہسپتال منتقل کر دیا گیا۔
ریسکیو افسر آصف نے بتایا کہ عمارت کی تیسری منزل پر دھماکہ ہوا، بظاہر یہ لگتا ہے کہ دھماکہ سلنڈر پھٹنے سے ہوا ہے، گھر سے 2 سلنڈر صحیح حالت میں بھی ملے ہیں، دھماکے سے ایک کمرے کی چھت گر گئی۔
ریسکیو افسر نے مزید بتایا کہ متاثرہ گھر کمرشل مقاصد کیلئے استعمال ہو رہا تھا، گھر میں آگ جلانے والے لائٹرز کی گیس فلنگ کی جاتی تھی، متاثرہ گھر میں دو فیملیز رہائش پذیر تھیں، ایک فیملی بحفظات نکل گئی، پولیس نے واقعہ کی تفتیش شروع کردی۔
