گوجرانوالہ:(دنیا نیوز) پنجاب کے شہر گوجرانوالہ میں ٹرک کی موٹر سائیکل کو ٹکرسے باپ بیٹا جاں بحق ہو گئے۔
ریسکیو حکام کے مطابق حادثہ کنگنی والا کے قریب پیش آیا ، جہاں مخالف سمت سے آنے والی موٹر سائیکل ٹرک سے ٹکرانے سے باپ بیٹا جاں بحق ،جبکہ دو بچے زخمی ہو گئے۔
حکام نے بتایا کہ جاں بحق ہونے والوں کی شناخت محمد ندیم اور ماہد کے نام سے ہوئی جبکہ زخمی دانیال اور معیز کو تشویشناک حالت میں ہسپتال منتقل کر دیا گیا۔
دوسری جانب گوجرانوالہ پولیس نے موقعہ پر پہنچ کر ٹرک کو تحویل میں لے لیاجبکہ ڈرائیور فرار ہونے میں کامیاب ہوگیا۔
