گجرات:(دنیا نیوز) پنجاب کے ضلع گجرات میں موٹر سائیکلوں میں تصادم سے میاں بیوی جاں بحق ہو گے۔
ریسکیو ذرائع کے مطابق حادثہ مراڑیاں روڈ پر پیش آیا جہاں مخالف سمت سے آنے والی موٹرسائیکلیں ٹکرانے سے میاں بیوی موقع پر ہی دم توڑ گئے۔
عینی شاہدین کا کہنا ہے کہ حادثہ تیز رفتاری کے باعث پیش آیا، حادثے میں مرنے والے دونوں افراد کی لاشیں ریسکیو اہلکاروں نے مقامی ہسپتال میں منتقل کردیں، جہاں ضروری کارروائی کے بعد ورثا کے حوالے کی جائیں گی۔
دوسری جانب واقعہ کی اطلاع ملنے پر پولیس بھی جائے وقوعہ پر پہنچ گئی، پولیس نے تحقیقات کا آغاز کردیا۔
