پشاور: (عامر جمیل) خیبرپختونخوا میں اینٹی کرپشن فورس بنانے کی تیاری کرلی گئی، اینٹی کرپشن فورس میں نئی بھرتیاں ہونگی جبکہ ڈیپوٹیشن عملے کو واپس اپنے محکموں کوبھیجا جائے گا۔
ذرائع کے مطابق اینٹی کرپشن فورس میں 3 کیڈرز ہونگے ، انویسٹی گیشن ،پراسیکیوشن اور ایڈمنسٹریشن کیڈر شامل ہونگے، اینٹی کرپشن فورس کی سربراہی ڈائریکٹر اینٹی کرپشن کرے گا، پراسیکیوشن کا ڈی جی کنٹریکٹ بنیادوں بھرتی کیا جائے گا۔
ذرائع کا بتانا ہے کہ ایڈووکیٹ جنرل اور پراسیکیوٹر جنرل دونوں کیسز حل کریں گے، پراسیکیوشن 6 ماہ میں انکوائری مکمل کرکے پراسیکیوشن ڈائریکٹر کو رپورٹ پیش کرےگی، غلط کیس بنانے والے اہلکاروں کو 3 سے 7سال کی قید ہوگی، اینٹی کرپشن فورس کو چار ماہ کی ٹریننگ اسلام آباد میں دی جائے گی۔
