اسلام آباد :(دنیا نیوز) رہنما تحریک انصاف فیصل چودھری نے کہا ہے کہ فواد چودھری اورشعیب شاہین میں لڑائی نامناسب تھی۔
پروگرام’’ٹونائٹ ودثمرعباس‘‘میں گفتگو کرتے ہوئے فیصل چودھری کا کہنا تھا کہ فیصل چودھری سلمان اکرم راجہ اور شیرافضل مروت کی لڑائی پی ٹی آئی کا اندرونی معاملہ ہے۔
انہوں نے کہا کہ فواد چودھری اورشعیب شاہین میں لڑائی نامناسب تھی،نہیں ہونی چاہیے تھی۔
رہنما تحریک کا کہنا تھا کہ بانی پی ٹی آئی نے کہا ہے کہ ہم نےرمضان کے بعد بھرپور احتجاج کرنا ہے، ہماری سمت سیاسی سفر کی ہے، اب ہم اپوزیشن سے مذاکرات کو آگے بڑھائیں گے، ہم مولانا فضل الرحمان کے تحفظات دور کریں گے۔
فیصل چودھری کا مزید کہنا تھاکہ بانی پی ٹی آئی کا فوکس اپنی رہائی اور مقدمات نہیں ہیں، ہم اپنی تحریک میں وکلا کو شامل کرنا چاہیے ہیں، ہمیں ڈونلڈ ٹرمپ سے توقع ہے کہ وہ غیرجانبداررہیں گے۔
