کراچی: (دنیا نیوز) مرکزی مسلم لیگ نے کراچی میں ڈمپرحادثات پر وزیراعظم و وزیر اعلیٰ کو خط لکھ دیا۔
خط کی کاپیاں صدر مملکت، گورنر سندھ، چیف سیکرٹری سندھ، آئی جی پولیس اور میئر کراچی کو بھی ارسال کر دی گئیں۔
خط میں آل پارٹیز کانفرنس کے 12 نکاتی اعلامیے پر عمل کا مطالبہ کیا گیا ہے، مرکزی مسلم لیگ نے ٹریفک حادثات کے خلاف مشترکہ تحریک چلانے کا انتباہ بھی کیا ہے۔
مرکزی مسلم لیگ نے اپنے خط میں سڑکوں کی مرمت اور تجاوزات کے خاتمے کا بھی مطالبہ کیا ہے۔
صدر سندھ فیصل ندیم نے لکھا کہ ڈمپرز اور بھاری گاڑیوں کے خلاف سخت قوانین نافذ کیے جائیں، بغیر لائسنس ڈرائیوروں اور مالکان پر قتل کا مقدمہ ہونا چاہئے۔
انہوں نے حادثات میں جاں بحق افراد کے لیے 50 لاکھ اور زخمیوں کیلئے 10 لاکھ روپے امداد کا بھی مطالبہ کیا ہے۔
خط میں ٹریفک قوانین پرسختی سے عمل درآمد اور کرپشن کے خاتمے کی سفارش کی گئی ہے۔
