کراچی: (دنیا نیوز) محکمہ تعلیم سندھ نے ماہ رمضان کیلئے سکولوں کے اوقات کار جاری کردیئے۔
محکمہ تعلیم کے مطابق سنگل شفٹ والے پرائمری سکول صبح 8 سے1:30 بجے تک کھلے رہیں گے اور جمعہ کو 8 سے 11:30 بجے تک سکول کھلے رہیں گے۔
ڈبل شفٹ پرائمری سکول کے اوقات کار صبح ساڑھے 7 سے 11:30 بجے تک ہوں گے اور ان سکولوں کی دوسری شفٹ پونے 12 سے پونے 3 بجے تک ہو گی۔
محکمہ تعلیم کے مطابق ڈبل شفٹ سکولوں میں جمعہ کو پہلی شفٹ 7:30 سے 11:30 بجے تک ہو گی اور دوپہر کی شفٹ 11:45 سے 1:30 تک ہو گی۔
سنگل شفٹ سیکنڈری، ہائرسیکنڈری اور ایلیمنٹری سکول 8 بجے سے 1:30 بجے تک کھلے رہیں گے جب کہ جمعہ کو 8 سے 11:30 بجے تک سکول کھلے رہیں گے۔
اس کے علاوہ ڈبل شفٹ سیکنڈری، ہائرسیکنڈری سکولوں کی پہلی شفٹ 7:30 سے 11:30 بجے تک ہو گی اور دوسری شفٹ 11:45 سے 2:45 بجے تک ہو گی۔
محکمہ تعلیم کے مطابق ڈبل شفٹ سکولوں میں جمعہ کو پہلی شفٹ 7:30 سے 11:30 تک ہو گی جب کہ جمعہ کو دوسری شفٹ 11:45 سے 1:15 تک ہو گی۔
