اسلام آباد: (دنیا نیوز) ایم کیو ایم کے کنوینر ڈاکٹر خالد مقبول صدیقی نے وزیراعظم شہباز شریف سے ٹیلیفونک رابطہ کیا۔
ترجمان ایم کیو ایم کے مطابق ڈاکٹر خالد مقبول صدیقی نے ایم کیو ایم پاکستان کے مطالبے پر عملدرآمد پر وزیراعظم کا شکریہ ادا کیا، ڈاکٹر خالد مقبول صدیقی نے گھریلو، کمرشل اور صنعتی صارفین کیلئے بجلی کے نرخوں میں کمی پر مبارکباد پیش کی۔
ترجمان ایم کیو ایم نے بتایا کہ خالد مقبول صدیقی نے وزیراعظم شہباز شریف اور وفاقی وزیر توانائی اویس لغاری کی کوششوں قابل ستائش قرار دیا، ڈاکٹر خالد مقبول صدیقی نے مشکل معاشی صورتحال میں قوم کو بڑا ریلیف دینا جراتمندانہ قدم قرار دیا۔
ایم کیو ایم کے ترجمان نے مزید کہا کہ ڈاکٹر خالد مقبول صدیقی نے وفاقی وزیر توانائی اویس لغاری کو بھی ٹیلی فون پر مبارکباد پیش کی۔
