کراچی:(دنیا نیوز) پیپلزپارٹی کےسینئررہنما تاج حیدر مختصر علالت کے بعد انتقال کر گئے۔
اہلخانہ ان کے انتقال کی خبر کی تصدیق کرتے ہوئے کہا کہ رہنما پیپلزپارٹی تاج حیدر مقامی ہسپتال میں زیرعلاج تھے، جہاں وہ روبصحت نہ ہو سکے۔
مرحوم تاج حیدرکی نمازجنازہ بدھ بعد نمازظہر مسجد وامام بارگاہ یثرب فیز4 ڈیفنس سوسائٹی میں ادا کی جائے گی۔
رہنما پیپلز پارٹی وقار مہدی کا کہنا ہےکہ تاج حیدر ہمارے دیرینہ ساتھی اور بہترین سیاسی کارکن تھے، تاج حیدرپیپلز پارٹی کے بنیادی و نظریاتی کارکنان میں سے ایک تھے، ان کی سیاسی خدمات کو فراموش نہیں کیا جاسکتا۔
