اسلام آباد: (دنیا نیوز) قومی اسمبلی اجلاس میں ملک بھر میں سیکڑوں غیر قانونی تعلیمی اداروں کی موجودگی کا انکشاف ہوا ہے، وفاقی وزارت تعلیم نے غیر قانونی تعلیمی اداروں کی تفصیلات ایوان میں پیش کر دیں۔
غیر قانونی تعلیمی اداروں کی رپورٹ ایچ ای سی کی تیارکردہ ہے، وزارت تعلیم کے مطابق ملک بھر میں 145 غیر قانونی تعلیمی ادارے موجود ہیں، پنجاب میں 94، سندھ 34 غیر قانونی تعلیمی ادارے موجود ہیں۔
وزارت تعلیم کے مطابق خیبرپختونخوا میں 11 غیر قانونی تعلیمی ادارے موجود ہیں، آزاد کشمیر 2، اسلام آباد میں 2 غیر قانونی تعلیمی ادارے موجود ہیں، غیر قانونی تعلیمی ادارے ایچ ای سی معیار پر پورا نہیں اترتے۔
رپورٹ کے مطابق ایچ ای سی نے غیر قانونی تعلیمی اداروں کے خلاف اقدامات اٹھائے ہیں، ایچ ای سی نے غیر قانونی تعلیمی اداروں کو انتباہی مراسلے بھجوائے ہیں، ایچ ای سی نے غیر قانونی تعلیمی اداروں میں داخلوں پر پابندی عائد کی ہے۔
وزارت تعلیم کے مطابق غیر قانونی تعلیمی اداروں کی بندش کیلئے اقدامات جاری ہیں، ایچ ای سی نے غیر قانونی تعلیمی اداروں کی تفصیلات ویب سائٹ پر جاری کی ہیں۔
