اسلام آباد:(دنیا نیوز) رہنما تحریک انصاف شیخ وقاص اکرم نے کہا ہے کہ اگر جے یو آئی(ف) ساتھ نہیں دے گی تو ہم اپنا احتجاج کریں گے۔
دنیا نیوز کے پروگرام’’ٹونائٹ ود ثمرعباس‘‘میں گفتگو کرتے ہوئے شیخ وقاص اکرم کوئی بیک چینل مذاکرات نہیں ہو رہے، عمران خان کی ہدایت کے مطابق جیل کے باہر کوئی میڈیا ٹاک نہیں کرے گا، بانی پی ٹی آئی کی ہدایت پرعمل کریں گے۔
انہوں نے کہا کہ عمران خان کی کی ہدایت ہے کہ وہ بیان بازی نہ ہو جس سے پارٹی میں تقسیم کا تاثر بنے۔
رہنما تحریک انصاف کا کہنا تھا کہ جسٹس باقرنجفی کے نام کی جس نے حمایت نہیں کی ان کا ووٹ بھی دیکھنا ہوگا، پی ٹی آئی نے جسٹس باقر نجفی کی حمایت کی ہے تو یہ سنجیدہ معاملہ ہے اسے دیکھنا ہوگا کہ جوڈیشل کمیشن اجلاس میں ووٹ کسی بیک چینل کا نیتجہ نہیں اورہماری مسلم لیگ (ن) سےکوئی ہم آہنگی نہیں ہے۔
ایک سوال کے جواب میں شیخ وقاص اکرم نے کہا کہ بانی پی ٹی آئی نے واضح کہا اپنی ذات کے لیے کوئی ڈیل نہیں چاہتے، تحریک انصاف سیاسی جماعت ہے جس نے مذاکرات سے کبھی انکار نہیں کیا۔
رہنما تحریک انصاف کا مزید کہنا تھا کہ مولانا فضل الرحمان نے15اپریل تک کا وقت مانگا تھا، مولانا فضل الرحمان اپنی پارٹی میں مشاورت کریں گے، اگر جے یو آئی(ف) ساتھ نہیں دے گی تو ہم اپنا احتجاج کریں گے۔
