جڑانوالہ: (دنیا نیوز) تیز رفتار بس کی ٹکر سے موٹرسائیکل رکشہ میں سوار ماں بیٹا جاں بحق ہوگئے۔
افسوسناک حادثہ کھرڑیانوالہ روڈ پر 59 گ ب کے قریب پیش آیا جہاں تیز رفتار بس نے موٹرسائیکل رکشہ کو بری طرح کچل ڈالا، حادثے میں رکشہ پرسوار ماں بیٹا موقع پر دم توڑ گئے جبکہ ایک شخص زخمی ہوگیا۔
حادثے کی اطلاع ملتے ہی پولیس اور ریسکیو ٹیمیں موقع پر پہنچ گئیں، جاں بحق افراد کی لاشوں اور زخمی شخص کو ہسپتال منتقل کردیا گیا جبکہ پولیس نے حادثے کی رپورٹ درج کرکے کارروائی کا آغاز کردیا۔
