کراچی: (دنیا نیوز) سندھ میں سینیٹ کی خالی جنرل نشست پر ضمنی انتخاب کل 6 مئی کو ہوگا۔
پولنگ کا عمل صبح 9 بجے سے شام 4 بجے تک بلا تعطل جاری رہے گا، پولنگ صوبائی اسمبلی سندھ میں ہوگی، صوبائی اسمبلی سندھ کو پولنگ سٹیشن ڈکلیئر کر دیا گیا۔
پیپلزپارٹی کے وقار مہدی اور ایم کیو ایم پاکستان کی نگہت مرزا کے درمیان مقابلہ ہوگا، صوبائی الیکشن کمشنر سندھ اعجاز انور چوہان نے سندھ اسمبلی کا دورہ کیا اور انتظامات کا جائزہ لیا۔
ریٹرننگ افسر اعجاز چوہان نے پولنگ انتظامات پر اطمینان کا اظہارکیا، صوبائی الیکشن کمشنر نے کہاکہ الیکشن کمیشن نے ضمنی انتخاب کے لیے تمام انتظامات مکمل کر لیے ہیں۔
اعجاز انور چوہان کا کہنا تھا کہ شفاف اور پُرامن پولنگ کے لیے تمام ضروری اقدامات کر لیے گئے ہیں، پولنگ عملے کو ضروری ہدایات جاری کر دی گئی ہیں۔
واضح رہے کہ سینیٹر تاج حیدر کے انتقال کے بعد سینیٹ کی یہ نشست خالی ہوئی تھی۔
