لاہور: (دنیا نیوز) وزیراعلیٰ پنجاب مریم نواز نے بھارتی کے بزدلانہ حملے کے بعد آج پنجاب بھر کے تمام تعلیمی ادارے بند رکھنے کا اعلان کیا ہے۔
مریم نواز نے بھارت کے بزدلانہ حملے کی مذمت کرتے ہوئے کہا کہ پاکستان کے ایک ایک انچ کی حفاظت ہمارے ایمان اور میرے حلف کا حصہ ہے، انہوں نے کہا کہ پنجاب کی سرزمین غازیوں اور شہداء کی امین ہے اور اس سرزمین پر آج رات بہنے والا معصوموں کا خون ہم پر قرض ہے۔
وزیراعلیٰ پنجاب کا کہنا تھا کہ پوری قوم پاکستان پر مسلط کی گئی اس جنگ میں پاک فوج کےساتھ کھڑی ہے، انہوں نے کہا کہ انتظامیہ کو فوری طور پر ایمرجنسی رسپانس کے احکامات جاری کر دیے گئے ہیں۔
انہوں نے مزید کہا کہ کامیابی انشاء اللہ ہمارا مقدر ہو گی، نعرہ تکبیر، اللہ اکبر، پاکستان زندہ باد۔
