لاہور: (دنیا نیوز) پاک بھارت جنگ بندی کے بعد پنجاب میں تعلیمی ادارے کھولنے کے حوالے سے سرکلر جاری کر دیا گیا۔
محکمہ سکول ایجوکیشن اتھارٹی کے مطابق کل (بروز پیر) 12 مئی سے تمام تعلیمی ادارے معمول کے مطابق کھلیں گے، سکول کھولنے کے حوالے سے باقاعدہ نوٹیفکیشن بھی جاری کر دیا گیا۔
حکام کا کہنا ہے کہ فیصلے کا اطلاق تمام نجی و سرکاری سکولوں پر ہوگا۔
دوسری جانب محکمہ ہائر ایجوکیشن نے بھی تعلیمی ادارے کھولنے کا اعلان کر دیا، کل (12 مئی) سے صوبے بھر کے کالجز اور جامعات کھولیں گے، تمام تعلیمی بورڈ امتحانات کا دوبارہ آغاز کریں گے۔
انٹرمیڈیٹ کے جاری سالانہ امتحانات بھی کل معمول مطابق ہوں گے جبکہ منسوخ کردہ 2 پیپرز کیلئے نئی ڈیٹ شیٹ جاری کی جائے گی۔
