وزیراعلیٰ مریم نواز شریف کی سی ایم ایچ آمد، زخمی افسروں اور جوانوں سے ملاقات

لاہور: (دنیا نیوز) وزیراعلیٰ پنجاب مریم نواز شریف غازیوں کی عیادت کے لئے ہسپتال پہنچ گئیں۔

وزیراعلیٰ مریم نواز شریف نے سی ایم ایچ کا دورہ کیا، دورہ کے دوران مریم نواز شریف نے بھارتی جارحیت کے دوران زخمی ہونے والے افسروں اور جوانوں سے ملاقات کی۔

مریم نواز شریف نے سرجیکل وارڈ میں زیر علاج ہر غازی سے بات چیت کی، وزیراعلیٰ مریم نواز شریف نے غازی افسروں اور جوانوں کی مزاج پرسی کی۔

وزیراعلیٰ پنجاب نے زخمی افسروں اور جوانوں کی جلد صحت یابی کی دعا کی، انہوں نے غازی افسروں اور جوانوں کی ہمت اور حوصلے کو سراہا۔

مریم نواز شریف نے غازیوں کی جرات اور بہادری کو شاندار خراج تحسین پیش کیا، کور کمانڈر لاہور نے وزیر اعلیٰ مریم نواز شریف کی آمد پر شکریہ ادا کیا۔