فیصل آباد: (دنیا نیوز) فیصل آباد لاہور ریلوے ٹریفک ٹریک 24 گھنٹے بعد بھی بحال نہ ہونے کی وجہ سے ٹرین سروس بدستور بند ہے۔
گزشتہ روز کراچی سے لاہور جانے والی شالیمار ایکسپریس چک جھمرہ کے قریب ٹریک پر پھنسی ٹریکٹر ٹرالی سے ٹکرا گئی تھی جس کے نتیجے میں 12 بوگیاں پٹری سے اتر گئی تھیں حادثے میں کئی افراد زخمی بھی ہوئے تھے۔
حادثے کے تقریباً 24 گھنٹے گزرنے کے باوجود ریلوے ٹریک بحال نہیں ہو سکا جس کے باعث لاہور اور فیصل آباد کے درمیان ریلوے ٹریفک بند ہے۔
ریلوے ذرائع کے مطابق حادثے کے مقام پر ٹریک کی بحالی کا کام جاری ہے، دوسری جانب واقعے کا مقدمہ تھانا ساہیانوالہ میں درج کر لیا گیا ہے، مقدمہ ٹریکٹر ٹرالی کے نامعلوم ڈرائیور کے خلاف درج کیا گیا ہے۔
