پشاور:(دنیا نیوز) وزیراعلیٰ خیبرپختونخوا علی امین گنڈا پور اور ناراض سینیٹ امیدواروں کے درمیان ہونے والا مذاکرات کا پہلا دور ناکام ہو گیاہے جبکہ رات 9 بجے دوبارہ بیٹھک ہو گی ۔
پارٹی ذرائع کے مطابق حکومت کی جانب سے ناراض امیدواروں کو دستبردار ہونے کی پیشکش کی گئی ہے تاہم ناراض امیدواروں نے حکومتی پیشکش ماننے سے انکار کر دیا ہے ، علی امین گنڈا پور اور ناراض سینیٹ امیدواروں کے درمیان ہونے والی ملاقات میں سلمان اکرم راجہ اور شوکت بسر ابھی موجود تھے ۔
ناراض امیدوار کا کہناہے کہ جے یو آئی اور پیپلز پارٹی ایک ایک سیٹ چھوڑ دیں تب ہم بھی دستبردار ہو جائیں گے ، جے یو آئی کو جنرل یا ٹیکنوکریٹ جبکہ پیپلز پارٹی کو جنرل یا خواتین نشست چھوڑنی ہو گی ، ہمارا موقف واضح ہے کہ پارٹی کی نشستیں اپوزیشن کو مفت میں کیوں دی جارہی ہیں ۔
