اسلام آباد: (دنیا نیوز) وزیراعظم شہباز شریف نے بلوچستان واقعہ کے حوالے سے کہا ہے کہ واقعے میں ملوث افراد کو قانون کے مطابق سزا دی جائے۔
وزیراعظم شہباز شریف کا وزیراعلیٰ بلوچستان سرفراز بگٹی سے ٹیلی فونک رابطہ ہوا، شہباز شریف نے بلوچستان میں خاتون اور مرد کے قتل کی مذمت کی۔
شہباز شریف نے وزیراعلیٰ بلوچستان کو واقعے کی شفاف تحقیقات کی ہدایت کی اور کہا کہ کسی کو قانون ہاتھ میں لینے کی اجازت نہیں دی جا سکتی، ملزمان کو قانون کے کٹہرے میں لانے کے لئے تمام تر قانونی اقدامات کیے جائیں۔
