اسلام آباد: (دنیا نیوز) ڈسٹرکٹ اینڈ سیشن کورٹ اسلام آباد نے پاکستان تحریک انصاف (پی ٹی آئی) کے 4 کارکنوں کی امن عامہ ایکٹ کے تحت سزا معطل کر دی۔
جوڈیشل مجسٹریٹ مرید عباس کی عدالت میں کیس کی سماعت ہوئی، چاروں ملزمان کی جانب سے وکیل سردار مصروف، آمنہ علی اور زاہد ڈار عدالت پیش ہوئے، عدالت نے پی ٹی آئی کے جن 4 ملزمان کی سزا معطل کی ان میں دانش، عیسیٰ، اعجاز اور محمد عیسیٰ شامل ہیں۔
عدالت کی جانب سے 30 دن کے اندر اپیل دائر کرنے کی ہدایت کر دی گئی۔
یاد رہے کہ پی ٹی آئی کے 4 ملزمان کو تھانہ ترنول میں درج مقدمہ میں چھ، چھ ماہ کی سزا ہوئی تھی۔
