پشاور: (عامر جمیل) 5 اگست کیلئے طلب کئے گئے اجلاس میں شرکت نہ کرنے پر ملاکنڈ ڈویژن کے 7 ایم پی ایز کو وارننگ جاری کر دی گئی۔
پاکستان تحریک انصاف کے صوبائی جنرل سیکرٹری علی اصغر خان کی جانب سے وارننگ دی گئی۔
اجلاس میں شرکت نہ کرنے والوں میں شکیل خان، علی شاہ، شرافت علی، فخر جہان، ڈاکٹر امجد، سلطان روم اور سہیل سلطان شامل ہیں۔
پارٹی ذرائع کے مطابق مستقبل میں ایسی کوتاہی برتنے والے اراکین کے خلاف سخت کارروائی کا فیصلہ کیا گیا ہے۔
پی ٹی آئی قیادت نے اس اقدام کو پارٹی نظم و ضبط کی بحالی کیلئے ضروری قرار دیتے ہوئے کہا ہے کہ تمام اراکین اسمبلی کو آئندہ اجلاسوں میں شرکت کو یقینی بنانا ہوگا، ورنہ تادیبی اقدامات کا سامنا کرنا پڑے گا۔
