اسلام آباد: (دنیا نیوز) این ڈی ایم اے نے مون سون بارشوں اور سیلاب سے اموات بارے رپورٹ جاری کر دی۔
رپورٹ کے مطابق گزشتہ 24 گھنٹے کے دوران ملک کے مختلف علاقوں میں 7 افراد جاں بحق ہوئے، گزشتہ 24 گھنٹے کے دوران ملک بھر میں مختلف واقعات میں 15 افراد زخمی ہوئے۔
این ڈی ایم اے کے مطابق 26 جون سے اب تک مون سون کے دوران مختلف واقعات میں مجموعی طور پر 288 افراد جاں بحق ہوئے، 26 جون سے اب تک ملک بھر میں 690 زخمی ہوئے۔
رپورٹ کے مطابق گزشتہ 24 گھنٹے میں بارشوں اور سیلاب سے پنجاب میں 6 اور سندھ میں 1 شخص جاں بحق ہوا، بارشوں اور سیلاب سے پنجاب میں 15 افراد زخمی ہوئے۔
گزشتہ 24 گھنٹے میں بارشوں اور سیلاب سے خیبرپختونخوا میں 1 شخص زخمی ہوا، این ڈی ایم اے کے مطابق زیادہ تر اموات سیلاب، گھروں کی چھتیں گرنے اور ڈوبنے کے باعث ہوئیں۔
