پشاور: (دنیا نیوز) خیبرپختونخوا کے دارالحکومت پشاور سمیت مختلف علاقوں میں زلزلے کے جھٹکے محسوس کیے گئے۔
زلزلہ پیماہ مرکز کے مطابق زلزلے کی شدت 5.4 ریکارڈ کی گئی، مرکز افغانستان جنوب مشرق علاقہ تھا جبکہ اس کی زیر زمین گہرائی 22 کلومیٹر تھی۔
زلزلے کے جھٹکے خیبرپختونخوا کے ضلع پشاور، صوابی، سوات، ملاکنڈ اور مہمند شہر اور گردونواح میں واضح طور پر محسوس کئے گئے، شہریوں میں خوف و ہراس پھیل گیا اور لوگ گھروں سے باہر نکل آئے۔
تاحال کسی قسم کے جانی یا مالی نقصان کی کوئی اطلاع موصول نہیں ہوئی، مقامی انتظامیہ اور ریسکیو ادارے صورت حال پر نظر رکھے ہوئے ہیں اور کسی بھی ہنگامی صورتحال سے نمٹنے کے لئے تیار ہیں۔
