پشاور: (دنیا نیوز) سوات اور گردونواح میں آج تیسری دفعہ زلزلے کے جھٹکے محسوس کئے گئے۔
زلزلہ پیماہ مرکز کے مطابق زلزلے کی شدت 4.1 ریکارڈ کی گئی، مرکز کوہ ہندوکش کا پہاڑی سلسلہ تھا جبکہ اس کی زیر زمین گہرائی 236 کلومیٹر تھی۔
زلزلے کے جھٹکے خیبرپختونخوا کے ضلع پشاور، صوابی، ملاکنڈ اور مہمند شہر اور گردونواح میں بھی محسوس کئے گئے، شہریوں میں خوف و ہراس پھیل گیا اور لوگ گھروں سے باہر نکل آئے۔
تاحال کسی قسم کے جانی یا مالی نقصان کی کوئی اطلاع موصول نہیں ہوئی، مقامی انتظامیہ اور ریسکیو ادارے صورت حال پر نظر رکھے ہوئے ہیں اور کسی بھی ہنگامی صورتحال سے نمٹنے کے لئے تیار ہیں۔
واضح رہے کہ سوات سمیت خیبرپختونخوا کے مختلف علاقوں میں آج تیسری بار زلزلے کے جھٹکے محسوس کئے گئے ہیں۔
