سعودی پاک جوائنٹ بزنس کونسل وفد لاہور پہنچ گیا، پُرتپاک خیر مقدم

لاہور: (دنیا نیوز) سعودی پاک جوائنٹ بزنس کونسل کا خصوصی وفد لاہور پہنچ گیا، سعودی پاک جوائنٹ بزنس کونسل کے وفد کا پُرتپاک خیر مقدم کیا گیا۔

وزیراعلیٰ مریم نواز شریف نے ایئرپورٹ پر سعودی پاک جوائنٹ بزنس کونسل کے وفد کو خوش آمدید کہا، مریم نواز شریف سے وفد کی ملاقات ہوئی۔

مریم نواز شریف نے خادمین الحرمین شریفین شاہ سلمان بن عبدالعزیز اور ولی عہد شہزادہ محمد بن سلمان بن عبدالعزیز کے لئے عقیدت و احترام کا اظہار کیا۔

پاک سعودی بزنس فورم کے چیئرمین شہزادہ منصور بن محمد بن سعاد آل سعود نے وفد کی قیادت کی۔

وزیراعلیٰ پنجاب مریم نواز شریف نے سعودی سفیر کی طرف سے سیلاب متاثرین کے لئے گھریلو سامان فراہم کرنے پر شکریہ بھی ادا کیا۔