لاہور:(دنیا نیوز) لاہور کے علاقے ڈیفنس میں تیز رفتار ڈمپر کی ٹکر سے موٹر سائیکل سوار تین افراد جاں بحق ہو گئے۔
ریسکیو کے مطابق ٹریفک حادثہ ڈیفنس کے علاقے فیز چھ میں پیش آیا، جہاں تیز رفتار ڈمپر نے موٹر سائیکل سوار تین افراد کو کچل ڈالا حادثے میں ستائیس سال کے ناصر، اڑتالیس سال کے شان اور انیس سال کے حفیظ جاں بحق ہو گئے ۔
متوفین ایک ہی موٹر سائیکل پر سوار تھے ۔ پولیس نے شواہد اکھٹے کرنے کے بعد لاشیں تحویل میں لے لی ہیں جب ڈمپر ڈرائیور فرار ہوگیا۔
دوسری جانب پولیس کا مزید کہنا تھا کہ ابتدائی تحقیقات کے مطابق حادثہ ڈمپر کی تیز رفتاری کے باعث پیش آیا، فرار ہونے والے ڈمپر ڈرائیور کے خلاف قانونی کارروائی شروع کردی گئی ہے۔
