کراچی: (دنیا نیوز) سندھ حکومت نے فوڈ اتھارٹی میں ای چالان سسٹم کے نفاذ کے پیش نظر اہم انتظامی فیصلہ کر لیا، سندھ فوڈ اتھارٹی میں 16 دسمبر 2025 سے 13 مارچ 2026 تک بعض امور پر عارضی پابندی عائد کر دی گئی۔
صوبائی وزیر خوراک مخدوم محبوب الزمان نے کہا کہ ای چالان کے مؤثر نفاذ کے لیے تبادلوں اور تعیناتیوں پر پابندی عائد کردی گئی ہے، فوڈ اتھارٹی میں ڈیپوٹیشن میں توسیع پر بھی پابندی ہوگی۔
مخدوم محبوب الزمان نے کہا کہ اس دوران دیگر سرکاری افسران کی خدمات کے حصول اور کنٹی نجنٹ بنیادوں پر بھرتیوں پر پابندی عائد رہے گی۔
صوبائی وزیر خوراک نے کہا کہ ای چالان سسٹم کے تحت شفاف اور مؤثر کارروائی کو یقینی بنانے کا فیصلہ کیا گیا ہے۔
انہوں نے کہا کہ فوڈ اتھارٹی کے نو تشکیل شدہ گورننگ باڈی کے ذریعے اصلاحاتی عمل کئے جائیں گے، سندھ فوڈ اتھارٹی میں ڈیجیٹل نظام کے نفاذ کی جانب بڑھ رہے ہیں۔
