لاہور:(دنیا نیوز) پنجاب اسمبلی کے ایم پی اے ہاسٹلز کی زیر تعمیر عمارت پر ایک نامعلوم شخص کرین پر چڑھ گیا، اِس شخص نے مبینہ طور پر وزیر اعلیٰ پنجاب مریم نواز شریف سے ملاقات کا مطالبہ کیا ہے۔
واقعے کی اطلاع ملتے ہی اسمبلی کا سٹاف، سکیورٹی حکام اور ریسکیو ٹیم عمارت کے گرد پہنچ گئے، نامعلوم شخص نے عمارت پر وزیر اعلیٰ کے بینرز آویزاں کر رکھے تھے اور ایک بینر لہرا رہا تھا۔
— Arif Malik (@arifawan779) December 19, 2025
ریسکیو گاڑی ایم پی اے ہاسٹل کے باہر پہنچ گئی اور کرین کے قریب پہنچتے ہی نامعلوم شخص پیچھے کی جانب جانے لگا، جس کے بعد ریسکیو حکام اور نامعلوم شخص کے درمیان مذاکرات شروع ہو گئے ہیں۔
نامعلوم شخص کا کہنا ہے کہ جب تک مریم نواز سے ملاقات نہیں کروائی جاتی، نیچے نہیں آؤں گا، جس پر ریسکیو حکام نے جواب دیا کہ آپ پہلے نیچے آئیں، پھر ملاقات کروا دی جائے گی۔
