لاہور: (محمد اشفاق)لاہور ہائیکورٹ نے پروٹیکشن آف پراپرٹی اونر شپ ایکٹ کے خلاف درخواست چیف جسٹس لاہور ہائیکورٹ کو بھجواتے ہوئے درخواست فل بنچ کے روبرو سماعت کے لیے مقرر کرنے کی سفارش کر دی-
لاہور ہائیکورٹ کی جسٹس عبہر گل خان نے شہری غلام رسول سمیت دیگر کی درخواستوں پر سماعت کی، عدالت نے ابتدائی سماعت کے بعد درخواست چیف جسٹس لاہور ہائیکورٹ کو اس سفارش کے ساتھ بھجوا دی کہ اسے فل بنچ کے روبرو سماعت کے لیے مقرر کیا جائے۔
درخواست میں پروٹیکشن آف پراپرٹی اونر شپ ایکٹ کو چیلنج کیا گیا ہے، درخواست گزاروں نے موقف اختیار کیا ہے کہ ایکٹ آئین کے آرٹیکل کے مطابقت نہیں رکھتا، وکیل کے مطابق ایکٹ کے تحت ٹربیونلز کی تشکیل بھی آئین کے آرٹیکل 212 کے برعکس ہے۔
وکیل نے استدعا کی کہ پروٹیکشن آف پراپرٹی اونر شپ ایکٹ کو کالعدم قرار دیا جائے، عدالت نے ایکٹ کے تحت کارروائیوں کے خلاف تمام درخواستیں فل بنچ کو بھجوا دیں، درخواستوں میں پروٹیکشن آف پراپرٹی اونر شپ ایکٹ کے تحت کارروائیوں کو چیلنج کیا گیا ہے۔
