پاکستان
خلاصہ
- مچھ: (دنیا نیوز) بلوچستان کے علاقے مچھ میں زمیندار ہوٹل کے مقام پر بے قابو ٹرک اور وین کے درمیان تصادم کے نتیجے میں 7 افراد جاں بحق اور 30 سے زائد زخمی ہوگئے۔
پولیس حکام کے مطابق حادثہ ٹرک کے بریک فیل ہونے کے باعث پیش آیا، جس کے نتیجے میں دونوں گاڑیاں کھائی میں جاگریں۔ حادثے کے بعد علاقے میں امدادی کارروائیاں شروع کردی گئیں۔
حادثے میں زخمی ہونے والے افراد کو اسپتال منتقل کرنے میں مشکلات کا سامنا ہے، جبکہ زخمیوں کو کوئٹہ کے اسپتال منتقل کرنے کی کوششیں کی جارہی ہیں۔
پولیس حکام کا کہنا ہے کہ حادثے کی مزید تحقیقات جاری ہیں۔
