لاہور کے علاقے شمالی چھاؤنی میں رکن قومی اسمبلی کشمالہ طارق کا ڈرائیور قتل کر دیا گیا۔ پولیس نے ملزم کو گرفتار کر لیا۔
ایم این اے کشمالہ طارق کے ڈرائیور مصطفی اور اس کے بہنوئی طارق کے درمیان جھگڑا ہو گیا۔ اس دوران مصطفٰی کے بہنوئی طارق نے چھریوں کے وار سے مصطفی کو شدید زخمی کر دیا۔ اسے فوری طور پر اسپتال پہنچایا گیا جہاں پر اس نے دم توڑ دیا۔ پولیس کے مطابق ملزم طارق کو گرفتار کر لیا گیا ہے۔
