شنگھائی: (روزنامہ دنیا) سربین سٹار اور عالمی نمبر 3 ٹینس پلیئر نووک جوکووچ نے شنگھائی ماسٹرز ٹینس ٹورنامنٹ کا مینز سنگلز ٹائٹل جیت لیا۔
سربین سٹار اور عالمی نمبر 3 ٹینس پلیئر نووک جوکووچ نے فیصلہ کن معرکے میں 21 سالہ کروشین کھلاڑی بورنا کورک کو شکست دی۔ شنگھائی ماسٹرز ٹینس ٹورنامنٹ کے مینز سنگلز ایونٹ کے فائنل میچ میں نووک جوکووچ نے عمدہ کارکردگی کا مظاہرہ کرتے ہوئے بورنا کورک کو 6-3 اور 6-4 سے ہرا کر کیریئر کا 72واں ٹائٹل جیتنے کا اعزاز حاصل کیا۔ نووک جوکووچ کا کہنا تھا کہ آئندہ سیزن میں انہوں نے نمبرون پلیئر بننے کو ٹارگٹ بنا لیا ہے۔
