لاہور: (دنیا نیوز) لاہور میں سکواش کورٹ ان دنوں بہت بارونق ہے، جہاں ایرانی، مصری اور فرانسیسی خواتین کھلاڑی ان ایکشن ہیں۔
پنجاب سکواش کمپلکس انٹرنیشنل سکواش چیمپئن شپ کی میزبانی کر رہا ہے۔ جہاں ایران، مصر اور فرانس کی 4 خواتین کھلاڑی اپنی موجودگی اور کھیل سے سب کو متاثر کر رہی ہیں۔ قومی ویمن کھلاڑی کو ایسے ایونٹ کی تلاش میں تھی جہاں وہ اپنوں کے سامنے انٹرنیشنل میچ کھیل سکے۔ قومی کھلاڑیوں کی مجموعی کاکردگی زیادہ اچھی نہیں رہی مگر غیر ملکی کھلاڑیوں سے کھیل کر انہیں سیکھنے کا موقع ملے گا۔
حیران کن طور پر قومی کھلاڑیوں کا تجربہ اور رینکنگ مہمان کھلاڑیوں سے زیادہ تھی مگر اچھی کوچنگ اور ٹریینگ نے کم تجربہ کار مہمان کھلاڑیوں کا پلڑا بھاری رکھا۔
