لاہور : ( ویب ڈیسک ) پاکستان سپر لیگ ( پی ایس ایل ) کی فرنچائز لاہور قلندرز کی جانب سے قومی کھیل ہاکی کی بحالی کا اعلان کر دیا گیا ، قلندرز پلیئر ڈویلپمنٹ ہاکی پروگرام کے تحت سندھ حکومت، پاکستان ہاکی فیڈریشن (پی ایچ ایف) اور لاہور قلندرز کے درمیان معاہدہ طے پا گیا۔
پاکستان ہاکی فیڈریشن ( پی ایچ ایف ) کے مطابق پاکستان ہاکی فیڈریشن کے صدر بریگیڈیئر ر خالد سجاد کھوکھر کی ہدایت پر پی ایچ ایف کی زیر نگرانی لاہور قلندر کے زیر اہتمام سندھ حکومت اور پنجاب حکومت کے اشتراک سے قلندر ہاکی لیگ میں حصہ لینے کیلئے کھلاڑیوں کے اوپن ٹرائلز 17 فروری کی صبح 10 بجے کے ایچ اے سپورٹس کملیکس کراچی میں ہوں گے۔
پاکستان ہاکی فیڈریشن کے صدر بریگیڈیئر ر خالد سجاد کھوکھر کی ہدایت پر پی ایچ ایف کی زیر نگرانی لاہور قلندر کے زیر اہتمام سندھ حکومت اور پنجاب حکومت کے اشتراک سے قلندر ہاکی لیگ میں حصہ لینے کیلئے کھلاڑیوں کے اوپن ٹرائلز 17 فروری کصبح 10 بجے کے ایچ اے اسپورٹس کملیکس کراچی میں ہوں گے
— Pakistan Hockey (PHF) (@PHFOfficial) February 12, 2023
اس حوالے سے عبدالستار ہاکی اسٹیڈیم میں پریس کانفرنس کرتے ہوئے لاہور قلندر ز کے مالک عاطف رانا نے کہا کہ پہلے مرحلے میں پلیئرز ڈویلپمنٹ پروگرام کے تحت کراچی لاہور سیریز سے قبل کراچی کی ٹیم کے لئے 17 فروری کو اوپن ٹرائلز کا انعقاد کیا جائے گا، جس کے بعد لاہور میں ٹرائلز ہونگے۔
عاطف رانا نے کہا کہ قومی کھیل کو نیا خون دینے کے لئے شہر شہر ٹیلنٹ ہنٹ کا انعقاد کریں گے، کرکٹ کی طرح ہاکی کے لئے پورے پاکستان سے نوجوان منتخب کرنے کے بعد ہائی پرفارمنس سینٹر میں انہیں تربیت فراہم کریں گے، کوشش ہے کہ 22 سے 25 کھلاڑیوں پر مشتمل ٹیمیں بنائیں، منتخب کھلاڑیوں کو تربیت کے لئے بیرون ملک بھیجا جائے گا۔
لاہور قلندر کا ہاکی کےمستقبل کا بیڑہ اٹھانے کا اعلان
— Pakistan Hockey (PHF) (@PHFOfficial) February 15, 2023
قومی کھیل میں نیا خون شامل کرنے کے لئے شہر شہر ٹیلنٹ ہنٹ کا اعلان۔ پہلا مرحلہ 17 فروری کو کراچی میں اوپن ٹرائلز کا انعقاد، شاہین آفریدی ہاکی کے لئے لاہور قلندر کے برانڈ ایمبیسڈر مقرر، چیف ایگزیکٹو لاہور قلندر @lahoreqalandars pic.twitter.com/9YiyRPB1Wp
دوسری جانب لاہور قلندرز کے کپتان شاہین شاہ آفریدی اور فاسٹ باؤلر حارث رؤف کو ہاکی کا برانڈ ایمبیسڈر مقرر کر دیا گیا ہے، شاہین آفریدی کا اس حوالے سے کہنا تھا کہ ہاکی ہمارا قومی کھیل ہے، لاہور قلندرز کا پلان بہت زبردست ہے، ہاکی لیجنڈ کے ساتھ مل کر قومی کھیل کی بحالی کے لئے کام کرنے کا خواہشمند ہوں۔
