میلبرن : (دنیانیوز) قومی کھلاڑی حمزہ خان نے 37 سال بعد پاکستان کو ورلڈ جونیئر سکواش چیمپئن شپ جیتوا کر تاریخ رقم کردی۔
آسٹریلیا کے شہر میلبرن میں جاری چیمپئن شپ کے فائنل میں حمزہ نے مصر کے محمد ذکریا کو تین - ایک سے شکست دی ، حمزہ خان کی جیت کا سکور 12-10، 12-14، 3-11 اور 6-11 رہا۔
37 سال بعد پاکستانی کھلاڑی ورلڈ جونیئرز جیتنے میں کامیاب ہوئے ہیں، حمزہ سے قبل 1986 میں جان شیر خان نے یہ ٹائٹل اپنے نام کیا تھا۔
اس سے قبل سیمی فائنل میں حمزہ نے فرانس کے میلول سیانی مینیکو کو تین - دو سے شکست دی، حمزہ اور فرانسیسی کھلاڑی کے درمیان میچ 81 منٹ جاری رہا تھا۔
حمزہ خان نے یہ میچ 8-11، 4-11، 12-10، 11-09 اور11-13 سے اپنے نام کیا، حمزہ کی ابتدائی برتری کے بعد فرانسیسی کھلاڑی نے کم بیک کرکے مقابلہ برابر کیا۔
تیسرے اور چوتھے گیم میں حمزہ برتری لے کر بھی آخر میں اسے برقرار نہ رکھ پائے، فیصلہ کن گیم میں پاکستانی کھلاڑی نے مضبوط اعصاب کا مظاہرہ کیا ، میچ کے دوران ریفری نے حمزہ کے خلاف کئی متنازعہ فیصلے بھی دیئے۔
حمزہ خان نے کوارٹر فائنلز میں ملائیشیا کو شکست دے کر ورلڈ جونیئر سکواش چیمپئن شپ کے سیمی فائنل کیلئے کوالیفائی کیا تھا۔
خیال رہے کہ 2008 میں آخری مرتبہ عامر اطلس خان نے ورلڈ جونیئر کا فائنل کھیلا تھا۔
اپنی جیت پر ردعمل دیتے ہوئے حمزہ خان نے ٹیم مینجمنٹ اور اپنے والدین کے تعاون کا شکریہ ادا کیا۔
"They support me, every single time"
— World Squash (@WorldSquash) July 23, 2023
An emotional Hamza Khan reacts to his WSF World Junior Squash Championship win#WSFjuniors @paksquash @squashAUS pic.twitter.com/gZ94sq39k1
حمزہ خان کی شاندار تاریخی فتح کے بعد سوشل میڈیا پر انہیں مبارکباد دینے کا سلسلہ جاری ہے۔
وزیراعظم کی مبارکباد
وزیراعظم شہباز شریف نے ورلڈ جونیئر سکواش چیمپئن شپ جیتنے پر حمزہ خان، ان کے والدین، قوم اور تمام کھلاڑیوں کو مبارکباد دی ہے۔
شہبازشریف نے 37 سال بعد یہ ٹائٹل پھر سے پاکستان کے نام کرنے پر حمزہ خان کا شکریہ ادا کیا اور کہا کہ حمزہ خان نے 1986 کے ورلڈ سکواش چیمپئن جان شیر کی فتح کی یاد تازہ کر دی۔
وزیراعظم کا کہنا تھا کہ سکواش میں پاکستانی پرچم دوبارہ بلند کرنے پر قوم حمزہ کو خراجِ تحسین پیش کرتی ہے، امید ہے آنے والے وقت میں حمزہ سکواش میں پاکستان کو پھر ناقابلِ تسخیر بنائیں گے۔
پشاور زلمی کے مالک جاوید آفریدی نے حمزہ خان کو مبارکباد دیتے ہوئے زلمی فاؤنڈیشن کی جانب سے 10 لاکھ روپے بطور انعام دینے کا اعلان کیا۔
CONGRATULATIONS PAKISTAN.
— Javed Afridi (@JAfridi10) July 23, 2023
HAMZA KHAN YOU THE CHAMP BOY.
PROUD OF YOU.
Rs 1M TOKEN OF APPRECIATION FROM Zalmi Foundation @FoundationZalmi @iamhamzakhan21 #HamzaKhan #ZalmiFoundation https://t.co/bklx3kMhfJ
پنجاب انفارمیشن ٹیکنالوجی بورڈ (پی آئی ٹی بی) کے سابق چیئرمین ڈاکٹر عمر سیف نے کہا کہ ایک وقت تھا کہ پاکستان سکواش کی دنیا پر راج کرتا تھا، اب ہمارے پاس ایک اور ابھرتا ہوا ستارہ ہے۔
There was a time Pakistan ruled the world of Squash.
— Umar Saif (@umarsaif) July 23, 2023
Now we have another star in the making!
Hamza Khan won the world junior squash championship, winning it for Pakistan after 37 years. Last time was Jansher Khan who won it in 1986. pic.twitter.com/SNu2gj8ZR8
کراچی کے میئر مرتضیٰ وہاب نے حمزہ خان کی جیت کو تمام پاکستانیوں کے لئے قابل فخر لمحہ قرار دیا۔
Well done Hamza ! Proud moment for all Pakistanis https://t.co/Q6jS4HlCW0
— Murtaza Wahab Siddiqui (@murtazawahab1) July 23, 2023
صدر استحکام پاکستان پارٹی عبدالعلیم خان نے حمزہ خان کو کامیابی پر مبارکباد دیتے ہوئے کہا کہ پاکستان 37 سال بعد ورلڈ جونیئر سکواش چیمپئن شپ جیتنے میں کامیاب ہوا، ملک کانام روشن کرنے پر ہونہار حمزہ خان کو مبارکباد پیش کرتا ہوں۔ شاباش بیٹا، پوری قوم کو آپ پر فخر ہے۔
37 سال بعد ورلڈ جونیئر سکوائش چیمپئن شپ جیتنے اور دنیا بھر میں پاکستان کا نام روشن کرنے پر ہونہار کھلاڑی حمزہ خان کو مبارکباد پیش کرتا ہوں۔ انہوں نے پورے ٹورنامنٹ اور خاص طور پر فائنل میں مصری حریف کے خلاف شاندار کھیل پیش کیا۔ شاباش بیٹا۔۔! پوری قوم کو آپ پر فخر ہے۔
— Abdul Aleem Khan (@abdul_aleemkhan) July 23, 2023
