کرناٹک: (ویب ڈیسک) بھارتی باڈی بلڈر خاتون کی شادی کی تصاویر سوشل میڈیا پر وائرل ہونے پر دھوم مچ گئی۔
بھارتی میڈیا کی رپورٹ کے مطابق ریاست کرناٹک کی یہ خاتون چترا پروشوتم ہیں جن کا باڈی بلڈنگ سے جنون کی حد تک لگاؤ ہے اور اس خواہش کی تکمیل کیلئے انہوں نے اپنوں کی ناراضگی بھی مول لی اور غیروں کے طعنے بھی برداشت کئے۔
میڈیا رپورٹ میں بتایا گیا ہے کہ چترا کے گھر والے پریشان تھے کہ چترا کی شادی کیسے ہوگی اور کون ان کی باڈی بلڈر بیٹی کو بیاہ کر لے جائے گا تاہم والدین کے یہ خدشات بھی غط ثابت ہوئے۔
چترا پروشوتم کو اپنے خوابوں کا شہزادہ مل گیا جو ان کے پرانے دوست ہیں، دونوں نے دوستی کے اس رشتے کو جیون بھر کے رشتے میں تبدیل کرنے کا فیصلہ کیا۔
باڈی بلڈر خاتون نے اپنی دلہن بنی تصاویر شیئر کیں جن میں چترا پروشوتم نے عروسی لباس پہنا ہوا ہے اور شادی سے زیادہ باڈی بلڈنگ کے پوز دے رہی ہیں۔
سوشل میڈیا صارفین نے حیرانگی اظہار کرتے ہوئے لکھا کہ ایسا پہلی بار دیکھا کہ کسی خاتون باڈی بلڈر نے اپنی شادی کی تصاویر ایسی بنوائی ہوں اور شیئر بھی کی ہوں، وائرل تصاویر پر سوشل میڈیا صارفین نے چترا پروشوتم کو مبارک باد دی اور نیک تمناؤں کا اظہار کیا۔
