مناوگت: (ویب ڈیسک) پاکستان کے اعصام الحق اور عقیل خان آئی ٹی ایف ماسٹرز ورلڈ چیمپئن شپ ڈبلز کے فائنل میں پہنچ گئے۔
ڈبلز ایونٹ کا فائنل آج ہو گا، پاکستانی پیئر فن لینڈ کی جوڑی سے مقابلہ کرے گا۔
قبل ازیں پاکستان کی ٹینس ٹیم نے ترکیہ میں آئی ٹی ایف ماسٹرز ورلڈ چیمپئن شپ میں کانسی کا تمغہ جیت لیا۔
ترکیہ کے شہر مناوگت میں منعقدہ ایونٹ میں پہلی بار مقابلہ کرتے ہوئے پاکستانی ٹیم نے دنیا کی چند سرفہرست ٹینس ممالک کے خلاف شاندار کارکردگی کا مظاہرہ کیا، پاکستانی ٹیم کپتان اعصام الحق قریشی کی قیادت میں عقیل خان اور شہریار سلامت پر مشتمل تھی۔
اس میگا ایونٹ میں مجموعی طور پر 21 ممالک نے حصہ لیا جہاں پاکستان نے رومانیہ اور میزبان ملک ترکیہ کو 3-0 سے شکست دے کر گروپ مرحلے میں غلبہ حاصل کیا۔
