لاہور: (دنیا نیوز) اگر آپ یہ جاننا چاہتے ہیں کہ واٹس ایپ پر آپ سب سے زیادہ بات کس سے کرتے ہیں تو یہ جاننا بہت آسان ہے۔
یہ فیچر صارفین کو اپنے سب سے زیادہ بات کرنے والے دوست کے میسجز، کالز، تصاویر اور ویڈیوز کے تمام تر اعداد و شمار سے آگاہ کرتا ہے۔ یہ جاننے کے لیے آپ سب سے پہلے ’واٹس ایپ سیٹنگ‘ کے آپشن پر جائیے۔
واٹس ایپ سیٹنگ کے آپشن میں جانے کے بعد ’ڈیٹا اینڈ اسٹوریج‘ ٹیب پر کلک کیجیے۔ ڈیٹا اینڈ اسٹوریج ٹیب پر کلک کرنے کے بعد آپ کا ڈیٹا لوڈ ہونا شروع ہو جائے گا اور اس کے بعد آپ کے سامنے ایک فہرست آجائے گی۔ جس شخص کی فائل کا سائز سب سے زیادہ ہو گا اس کا مطلب یہ ہوگا کہ آپ نے سب سے زیادہ اس شخص کو پیغامات، تصاویر اور ویڈیوز بھیجی ہیں۔
